يوميات شاب ملتزم

شكرا لك ، انا متشوقة باه نعرف الباقي :بارك:

شكرا الك :تميز وابداع:

السلام عليكم ورحمة الله وبركاته
اعزائى اعضاء المجله قرات يوميات لشاب ملتزم جميله جدا فاحببت ان انقلها لكم وسوف اكتب الان الحلقه الاولى واذا وجدت متابعه ساكتب ان شاء الله الباقى ولكن الان مع مقدمه بسيطه
ابتلينا فى عصرنا الحالى بالمسلسلات فلاتجد بيتا الا ويتابع افراده مسلسلا معينا بحجه التسليه عموماسيكون لنا هنا مسلسل ولكن مكلل بايات القراءن الكريم ومزين باحاديث الرسول ص
الحلقه الاولى
فى احدى شوارع الاسكندريه تقف عماره شامخه ايله للسقوط كما هو الحال مع كثير من عمارات مصرنا المحروسه
وفى احدى طوابق هذه العماره تسكن اسره مصريه مكونه من 5 افراد
اب:موظف عادى فى احدى الشركات
ام:ربه منزل
اخت:عائشه
اخ:بطلنا عبد الرحمن
اخت صغرى :فاطمه
الساعه الثامنه صباحا
ام عبد الرحمن:قوم يابنى تعبتنى معاك اول يوم الكليه ومش هتروح.
عبد الرحمن:طيب ياماما ربع ساعه وخلاص
ام عبد الرحمن:تعبتنى معاك خلاص انا زهقت براحتك روح ما تروحش انتا حر

بعد نصف ساعه
عبد الرحمن:صباح الخير ياست الكل
ام عبد الرحمن :اهو ده اللى بناخده منك روح الكليه بقى مش من اولها كده
عبد الرحمن:حاضر اعتبرينى روحت خلاص
وبعد ساعه من اللكاعه نزل من البيت
واتى الاتوبيس اخيرا ولكن بعد ان قضى وقت طويلا من الافأفه اف اف
ركب صاحبنا الاتوبيس وطبعا لم يسلم من واحده صاحيه متاخر ومتعصبه وهى رايحه الشغل
وواحد مراته واخده منه مصروف البيت ومنكده عليه على الصبح
ومتخدش فى بالك طبعا اللى قاعدين على الكراسى فكانهم طالعين رحله لاينزلون الا فى نهايه الخط.

المهم انتهت معركه الاتوبيس بالنصر المبين ووصل الكليه حينما وصل لسور الجامعه عادت به الذاكره للوراء شهورا يااااه اخيرا خلصنا من الثانويه العامه وتعبها اخيرا دخلنا الكليه اهى هى ديه الحريه ولابلاش اخيرا هنعيشها صح

خطى اول خطواته للجامعه وعلى البوابه
الحارس:اين الكارنيه
عبد الرحمن انا لسه سنه اولى
الحارس طيب وياريت تبقى تعمله ما تنمش عليه
دخل عبد الرحمن وهو بيقول هو ماله الاخ حد مزعله
ظل يبحث طويلا عن جدول المحاضرات ليدونه فوجده اخيرا ودونه
فهو لم يعرف احد فى الكليه فالشله الكريمه بتاعته لم ينجحوا والجزء الاخر التحق بمعاهد خاصه
المهم دخل المدرج وجلس الساعه 12.30 وبدا الدكتور فى الترحيب بهم وخلاف ذلك مما يفعله الكاتره فى اول يوم

وفجاءه ارتفع اذان الظهر
لم يهتز لاخينا عبد الرحمنن طرف فهو بعد لم يلتزم
حدثه احد الاخوه بجانبه يبدو عليه الالتزام الن تصلى يااخى
ضحك طيب والمحاضره
هنستاذن ونرجع على طول
امممم مش متوضى
تعالا ننزل ونتتوضى من مسجد الكليه
معليش اتفضل انت عشان ما ضيعيش المحاضره
ال يعنى الولا هيقطع نفسه من المذاكره من اول يوم
براحتك بس عايز اقولك حاجه النجاح يبدا من المسجد ربنا يهديك
وقال صاحبنافى نفسه هو فيه ا يه ليه كل ده ماعلينا انتهت المحاضره وعاد عبد الرحمن للبيت


الام:اهلا ياعبد الرحمن اخبار الكليه ايه
عبد الرحمن :بتسلم عليكى
الام:مالك فى حاجه
عبد الرحمن:لاعادى هاتيلى اكل
اتغدى صاحبنا ودخل ينام على السرير بعض الوقت يشعر انه مخنوق هتقول ايه فاضى بقه لايعرف لماذا هذا الشعور الح على نفسه بالنوم لعله يستيقظ ويذهب عنه مافى صدره.استيقظ بعد ساعات ولم يذهب مابه مبدهاش اقوم احسن افتح النت قضى الليل كله امام النت وقبل الفجر بساعه نام ولتشتكى يافجر من عبد الرحمن وفى الصباح حان وقت الكليه وحانت ايضا معركه الاستيقاظ
بعد نهايه العراك استيقظ وهو متأفف لايريد ان يحدثه احد
ذهب للكليه ودخل المدرج ولم يلتفت حوله لانه بعد لم يستيقظ من النوم

نبه اخ بجواره
السلام عليكم يااخى انا محمد وانت؟
انا عبد الرحمن
محمد:ماشاء الله اسمك جميل اوى ماتتصورش انا بحب اسم عبد الرحمن اد ايه معناه جاى من الرحمه واحنا محتاجين جدا للرحمه فى ايامنا دى
عبد الرحمن بدى عليه علامات التعجب ولاجواب
محمد:انت مضايق علشان بكلمك ولاحاجه
عبد الرحمن:لاانا مضايق لوحدى
محمد:طاب ممكن نبقى صحاب وتفضفضلى
عبد الرحمن:ممكن نبقى صحاب
محمد:طيب ممكن تاخد مني الشريط ده عربون صداقه
عبد الرحمن:اخذه منه ولم ينظر حتى لاسم الشريط شكرا
وحان وقت صلاه الظهر
محمد:يلا يابطل ننزل نصلى واكيد لما تصلى هتبقى تمام
عبد الرحمن:هبقى نمام ازاى يعنى
محمد:لان الله عز وجل قال الابذكر الله تطمئن القلوب والصلاه من ذكر الله يبقى قلبك هينشرح لما تصلى مش انت بتصدق ربنا
عبد الرحمن:ايوه ونعم بالله
نزل صاحبنا معاه وهو مبلم طبعا مش فاهم حاجه
لماذا يريد هذا الشاب ان يصاحبنى وهو يعرفنى منين وعايز ياترى منى ايه
ونزلا للمسجد وعند نزولهم للمسجد
وقعت عيناه على شى غرررريب جدا اتفجع عندما راه
ياترى ماهو؟
تابعونا لتعرفوا